Flash News

Audio-përgjimi/ Ahmetaj zbulon trafikun e armëve: Ron Yefet është Ergys Agasi anglishtfolës, lidhje me Ramën që në 2008

Denoncimi tronditës i Ahmetajt: Kanë tentuar të rrëmbejnë fëmijën tim, di edhe emrin

Ahmetaj hap “dosjen” e Vettingut: U dirigjua nga Rama dhe motra e Ballukut

100 ditë protestë, mijëra zëra kundër Ramës: Pankartat pikante nga protesta

Sarajeva tërheq stafin e Ambasadës nga Serbia pas varrimit të Mlladiç me nderime shtetërore

E-TJERA

“Nuk e gëzon njeri pronën”/ Ortaku i Bedinajt flet për konfliktin në Palasë: Jam trashëgimtar i tokës, e kam regjistruar që në ’96

Politiko 7 September 2026, 22:33

Prona prej 37 hektarësh në Palasë, që është kthyer në objekt përplasjeje mes biznesmenëve Vasil Bedinaj dhe Luan Muça, vijon të jetë në qendër të debatit.

Për herë të parë, ortaku i Bedinajt, Kastriot Hasko, ka dhënë versionin e tij lidhur me pronësinë e tokës, në një intervistë për emisionin “Top Story”.

Hasko deklaroi se pretendon të jetë trashëgimtar i pronës dhe se dokumentacioni për tokën është regjistruar nga nëna e tij në hipotekë që në vitin 1996. Sipas tij, bëhet fjalë për një sipërfaqe prej rreth 37 hektarësh dhe ai është përfaqësues i trashëgimtarëve të pronës.

Ai tha se dokumentet janë të rregullta dhe se është i gatshëm t’i paraqesë ato edhe nëse thirret nga organet e drejtësisë.

“Jam Kastriot Hasko, historinë e kësaj prone e ka bërë e ndjera mamaja ime, nga Vunoi. Prona është trashëgimi dhe dokumentet mami im i ka bërë që në ’95 dhe në ’96 është regjistruar në hipotekë, po kemi vërtetim pronësie. Mund t’ua paraqes edhe dokumentet me avokaten. Unë jam trashëgimtar.

Bëhet fjalë për 37 hektarë, jam përfaqësues i të gjithë trashëgimtarëve, kam kontratë me Reginën, atë e gjeta biznesmen, kam bërë edhe kallëzime. Prona do vejë te i zoti. Le të shkojë jo në SPAK, po ku të dojë, dokumentacionet unë i kam të rregullta. Unë di të them që mua deri tani nuk më ka kërcënuar njeri. Unë nuk jam thirrur në SPAK dhe po të thirrem, do marr dokumentacionin. Atë pronën nuk e gëzon njeri, e kam regjistruar në hipotekë.

E kam regjistruar në ’96, mamaja ime. Është amaneti i nënës time, do ta çoj deri në fund. Për çfarë do ta shpronësoj. Le ta shpronësojë dhe të bëjë detyrën e vet dhe secili të marrë lekët e veta. Le ta shpronësojë nuk kam kundërshtim. Unë jam trashëgimtar dhe do ta gëzoj atë që kam. Jam i kënaq, pesë lekë pesë lekë… ”, u shpreh Hasko.

Të fundit