Flash News

Rregullorja e re e GJKKO/ Dhoma e Avokatisë vendos bojkot pa afat të seancave gjyqësore

Po vendosnin ndriçimin rrugor, 4 punonjës të Bashkisë Tropojë bien në kontakt me tensionin, njëri humb jetën

Ron Yeffet, audiopërgjimi dhe raketat/ Deklaratat “bombë” të Arben Ahmetajt në intervistën e pestë

Konflikti me armë i mori jetën, kush është 24-vjeçari i vrarë në Shkodër

Kuvendi rikthehet sot në punë, qytetarët i presin me protesta jashtë godinës

E-TJERA

Ngërçi me pagat në drejtësi, administrata e Gjykatës së Tiranës nis bojkotin pa afat

Politiko 8 September 2026, 10:32

Administrata gjyqësore ka nisur bojkotin e parë për shkak të ngërçit me pagat në sistemin e drejtësisë.

Punonjësit dhe sekretarët e Dhomës Civile në Gjykatën e Tiranës kanë ndërprerë shërbimet, duke kërkuar sqarime për vonesën e pagave të muajit gusht dhe për fatin e pagave të tyre në vijim.

Administrata ka njoftuar drejtuesin e gjykatës për situatën. Punonjësve u është bërë me dije se një qëndrim pritet pas mbledhjes së kryetarëve të gjykatave, e cila është parashikuar të zhvillohet sot në orën 15:00 në Gjykatën e Lartë.

Ndërkohë, situata pritet të diskutohet edhe nga drejtuesit e prokurorive. Prokurori i Përgjithshëm Olsian Çela ka thirrur në takim drejtuesit e prokurorive të rretheve, Shoqatën e Prokurorëve dhe anëtarët e KLP-së.

Ngërçi lidhet me mosmiratimin në kohë të formulës së re të pagave për magjistratët. Përplasja mes institucioneve ka bërë që pagat e gushtit të mos ekzekutohen, duke prekur jo vetëm gjyqtarët dhe prokurorët, por edhe administratën e gjykatave dhe prokurorive.

Të fundit