Një automjet është përfshirë nga flakët mëngjesin e kësaj të marte, në qytetin e Fierit.
Sipas policisë, ngjarja ka ndodhur rreth orës 06:00 në një parkim publik në lagjen “Konferenca e Pezës”, në qendër të Fierit, ku mjeti është përfshirë nga flakët në rrethana ende të paqarta.
Tymi i dendur ka alarmuar banorët e pallatit pranë, të cilët kanë njoftuar shërbimin zjarrfikës të cilët kanë mundur të shuajnë flakët.
Në vendngjarje ndodhen edhe efektivët e policisë, të cilët po kryejnë veprimet për zbardhjen e shkaqeve të incidentit.
Nga informacionet paraprake nuk raportohet për persona të lënduar, ndërsa dëmet janë shkaktuar vetëm në automjetin e përfshirë nga flakët.
