Pas përfundimit të fjalimeve para Kryeministrisë, protestuesit kanë nisur marshimin përreth godinës së qeverisë.
Ndryshe nga protestat e mëparshme, në ditën e 100-të protestuesit kanë zgjedhur ta rrethojnë në mënyrë simbolike Kryeministrinë, duke marshuar në rrugët përreth saj.
“Rrethoni Kryeministrinë në mënyrë simbolike” dhe “Rama, jep dorëheqjen” janë disa nga thirrjet që dëgjohen gjatë marshimit përmes megafonëve.
“Ju erdhi fundi”, është një tjetër nga sloganet e protestuesve, të cilët vijojnë lëvizjen me flamuj kombëtarë në duar, përgjatë rrugëve pranë godinës së Kryeministrisë.
