Në protestën e 100-të kundër qeverisë, një emigrant shqiptar që jeton në Itali ka bërë thirrje për vijimin e qëndresës dhe mobilizimin e qytetarëve.
Gjatë fjalës së tij në protestë, ai kritikoi ashpër mënyrën e qeverisjes dhe akuzoi klasën politike për bashkëpunim, duke kërkuar largimin e saj nga pushteti.
Sipas tij, protestat duhet të vazhdojnë deri në realizimin e këtij qëllimi, ndërsa u bëri apel qytetarëve që të bashkohen dhe të vijojnë të protestojnë.
“Duhet ta largojmë këtë klasë politike. Ata janë të bashkuar dhe shteti është i lidhur me mafien. Është detyrimi ynë që ta ndryshojmë këtë situatë. Protesta duhet të vazhdojë dhe qytetarët duhet të bashkohen për t’i dhënë fund kësaj të keqeje”, u shpreh ai.
Protesta e 100-të është zhvilluar në një klimë të tensionuar politike, ndërsa organizatorët kanë paralajmëruar vijimin dhe përshkallëzimin e aksionit qytetar.
