Një çift të moshuarish në Fier është përballur me një tjetër tragjedi, vetëm tre ditë pasi zjarri u dogji punishten ku kishin punuar për dekada.
Barjam Sulejmani, i cili kishte punuar për më shumë se 30 vite në punishte, tashmë ka humbur edhe banesën ku jetonte me qira së bashku me bashkëshorten. Flakët përfshinë shtëpinë, duke e shkrumbuar plotësisht.
Çifti ka mbetur në qiell të hapur dhe tashmë pret ndihmën e fqinjëve dhe banorëve të zonës për të gjetur një strehë ku të kalojë ditët në vijim.
Sipas banorëve, zjarri dyshohet se është shkaktuar nga një shkëndijë elektrike. Pavarësisht ndërhyrjes së zjarrfikësve, nuk ka qenë e mundur shpëtimi i banesës.
Fatmirësisht, nga ngjarja nuk raportohet për persona të lënduar. Dëmet e shkaktuara janë vetëm materiale, ndërsa familja tashmë përballet me humbjen e dy pronave brenda pak ditësh.