Situata nga zjarri në Ungrej të Lezhës është përkeqësuar, teksa era e fortë dhe bimësia e dendur kanë favorizuar përhapjen e flakëve.
Zjarri po afrohet drejt zonave të banuara në fshatrat Rras dhe Zimaj, duke rritur rrezikun për banesat dhe banorët e zonës.
Forcat zjarrfikëse, ushtria dhe strukturat e emergjencave ndodhen në terren dhe po vijojnë përpjekjet për izolimin dhe vënien nën kontroll të flakëve.
Ndërhyrja nga toka po vështirësohet ndjeshëm për shkak të terrenit të thyer dhe të vështirë, ndërsa kushtet atmosferike po favorizojnë përhapjen e zjarrit.