Këtë të martë në orën 17:00, deputetët do të rikthehen në Kuvend për nisjen e sesionit të ri parlamentar. Seanca e sotme pritet të jetë kryesisht ceremoniale, ndërsa puna konkrete e Kuvendit do të nisë me përcaktimin e programit dhe kalendarit të punimeve për periudhën e re parlamentare.
Po ashtu sot në orën 11:00, pritet të mblidhet Konferenca e Kryetarëve, ku do të diskutohet dhe miratohet projektprogrami i punës së Kuvendit, si dhe projektkalendari i punimeve.
Në sesionin e ri parlamentar, vëmendja pritet të përqendrohet te dy reforma të rëndësishme: reforma zgjedhore dhe reforma administrative-territoriale.
Sa i përket reformës territoriale, Partia Socialiste ka depozituar një propozim për ndryshimin e organizimit aktual të njësive vendore. Sipas këtij propozimi, numri i bashkive në vend do të reduktohet nga 61 në 46.
Ndërkohë, sot në orën 17:00 jashtë ambienteve të Kuvendit pritet të zhvillohet edhe një protestë e paralajmëruar. Aktivistët kanë deklaruar se do të presin deputetët me vezë.
Sondazh
Lexo gjithashtu
