Te fundit
Protestë para Bankers Petroleum, banorët kërkojnë pagesat për tokat: Nëse nuk na dëgjojnë do të bllokojmë puset e naft
8 Shtator 2026, 11:40Sociale
TEMA
Banorët e zonës naftëmbajtëse Patos-Marinzë nuk kanë arritur marrëveshje me përfaqësuesit e kompanisë Bankers Petroleum, pas takimit të zhvilluar këtë të martë lidhur me pagesat për tokat e dhëna me qira.
Pas takimit, banorët deklaruan se nuk janë dakord me kushtet e propozuara nga kompania dhe u shprehën të vendosur për të vijuar protestën. Ata paralajmërojnë përshkallëzim të protestës, deri në bllokimin e një sektori të aktivitetit të kompanisë.
Banorët deklarojnë gjithashtu se nuk do të lejojnë punëtorët e Bankers Petroleum të hyjnë në tokat që ata i kanë dhënë me qira, derisa të gjendet një zgjidhje dhe të respektohen kushtet e kontratave.
Dhjetëra banorë u mblodhën mëngjesin e sotëm para zyrave të kompanisë në Marinëz, duke kërkuar për të disatën herë respektimin e kontratave dhe kryerjen e pagesave për tokat e tyre.
Sipas banorëve, këto toka përbëjnë një nga burimet e vetme të të ardhurave për familjet e zonës. Ata pretendojnë se prej kohësh kompania nuk po respekton detyrimet e përcaktuara në kontratat e lidhura me pronarët e tokave.
Banorët thonë se kanë protestuar disa herë dhe kanë zhvilluar takime me drejtues të kompanisë, përfshirë edhe CEO-n, por deri tani nuk kanë marrë një zgjidhje për kërkesat e tyre.
Nga ana tjetër, kompania ka pretenduar se AKBN nuk njeh disa prej shpenzimeve që lidhen me tokat, ndërsa banorëve u është kërkuar edhe ndryshimi i kontratave dhe i çmimit të qirasë së tokës.
Protesta lidhet me tokat e marra me qira nga kompania në disa fshatra të zonës, mes tyre Sheqishtë, Marinëz, Belinë, Zharrëz dhe Kallm.
Pas dështimit të takimit, situata mbetet e tensionuar, ndërsa banorët paralajmërojnë masa më të forta nëse nuk arrihet një marrëveshje me kompaninë.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
nxirrini jashte bastardet, hajdutet e pangopur qe po vjedhin gjith pasurine e shqiperise. edhe ato pak rroga mjerane nuk duan ti paguajne keta bastarde, si shqiptare ashtu edhe te huajt qe po e sakatojne shqiperine ne ç'do cep,
Ju VOTUES te Rames dhe Berishes. Pa merak, do ju zevendesojne me Indian, Vietnamez, Pakistanez etj. Vazhdoni dhe Votoni Partine e Punes PS PD=PPSH
Lideri i juaj ka nevoj per para popull i dashur,duhet tash ne arbitrazh me i dhane,ju pritni siç keni prit adhuruesin tuaj,...
Tani do beni greve se bankes nuk ju jeep lek per qeran e tokes. O zot po ajo nafte eshte e gjitha shqiptarvet. Tani qe nuk merni lek se qeveria ja Ka mbyll rrubinetin, ju do bllokoni rruget. O zot.