Pas rastit të Skot MekTominejit te Napoli, një tjetër lojtar është përballur me një problem të ngjashëm kardiak.
Bëhet fjalë për mesfushorin polak të Udinezes, Jakub Piotrowski.
28-vjeçari ka kryer së fundmi një seri testesh mjekësore.
Kontrollet kanë evidentuar një aritmi kardiake, duke bërë që lojtari të ndërpresë aktivitetin sportiv.
Piotrowski pritet t’i nënshtrohet një ndërhyrjeje kirurgjikale për korrigjimin e problemit.
Sipas informacioneve të bëra publike, ndërhyrja do të realizohet së shpejti.
Mesfushori polak pritet të qëndrojë të paktën një muaj jashtë fushave.
Ky është rasti i dytë i raportuar në Serie A në një periudhë të shkurtër.
Më herët, Skot MekTominej iu nënshtrua një operacioni për të korrigjuar problemin kardiak.
Futbollisti i Napolit pritet të rikthehet në dispozicion gjatë muajit tetor.
Dy rastet kanë ngritur vëmendjen mbi kontrollet mjekësore dhe shëndetin e futbollistëve.
Tashmë, Udinese pret rikthimin e Piotrowskit pas përfundimit të trajtimit dhe periudhës së rikuperimit.
