Gazetari Shpend Gashi është liruar mbrëmjen e sotme, disa orë pasi u shoqërua nga Policia e Tiranës gjatë protestës së zhvilluar para Parlamentit.
Gashi u shoqërua në Komisariatin nr. 6, pas tensioneve të krijuara gjatë protestës. Bashkë me të ishte shoqëruar edhe Adriatik Lapaj, kreu i partisë “Shqipëria Bëhet”.
Gjatë qëndrimit në komisariat, Gashi dhe Lapaj kanë publikuar një videomesazh, përmes të cilit u kanë bërë thirrje qytetarëve që të vijojnë protestën.
“Qëndroni të bashkuar!”, ishte mesazhi i tyre drejtuar protestuesve.
Ndërkohë, protesta vijon në rrugët e Tiranës, me qytetarët që janë zhvendosur në disa prej kryqëzimeve kryesore të kryeqytetit.
