Ahmetaj: Ditën që doli urdhërarresti im Veliaj festoi me uiski ! Do hapte shishe tjetër kur unë të ekzekutohesha

Arben Ahmetaj deklaroi në intervistën për 'Çim Peka Live' se ditën që ka dalë urdhri i arrestit për mua, ka hapur shishe uiski me drejtorët e vet. Madje Erioni do të hapte shishe tjetër kur unë të humbja jetën në burg,

Pjesë nga Intervista

ARBEN AHMETAJ: Unë nuk hyj te punët e Fierit, i dashur. Ky është për qarkun e Fierit. Ja firmat. Shihni ndonjë emër ju, Arben Ahmetaj, këtu? Këtu. Shihni ndonjë Ministri Ekonomie? Jo.

Po për çfarë më akuzojnë? Sepse kreu i organizatës donte kokë turku. E dini, është fakt. Një fakt.

Erion Veliaj, ditën që ka dalë urdhri i arrestit për mua, ka hapur shishe uiski me drejtorët e vet, të cilët i bëri të gjithë koka turku, sepse 5D-ja është vepër e Erion Velisë. Edhe tha: “Tani”, më tha, “kryeministri s’ka më arrestime se e mbylli ky. E mbylla unë!”.

Këta do të festonin, këta do të festonin. Erioni do të hapte shishe tjetër kur unë të humbja jetën në burg, për shkak të gjatë... nxehtësisë time, do të isha i eliminuar.

Dhe kreu i organizatës do të dilte, do të më thoshte “më vjen keq” e të tjera, e të tjera, do të dilte dhe e marta e kos. E do të thoshte “më ka premtuar kryeministri që situata në burgje do të përmirësohet”.