Vendi
Skënder Hita mbërrin në Korçë, takim me drejtuesit e Policisë Vendore
Ilustrim · Vizion Plus
Drejtori i Përgjithshëm i Policisë së Shtetit, Skënder Hita, ka mbërritur në Drejtorinë Vendore të Policisë Korçë, ku është pritur nga drejtuesi i DVP-së, Vilson Bala.
Takimi zhvillohet në kuadër të vizitave që Hita ka nisur në drejtoritë vendore të qarqeve, me fokus masat dhe porositë për fillimin e procesit të ri mësimor.
Krahas çështjeve që lidhen me nisjen e shkollave, gjatë takimit pritet të diskutohen edhe problematikat e sigurisë në juglindje të vendit.
Hita do të zhvillojë bisedime me drejtuesit e policisë, si dhe me shefat e sektorëve dhe seksioneve, për situatën dhe çështjet që kërkojnë vëmendje të veçantë në qarkun e Korçës.
Ditën e djeshme Hita ndodhej në Shkodër ku kërkoi më rezultate kundër krimit.
