Një ngjarje e rëndë është shënuar në Padova të Italisë, ku një shqiptar është gjetur i vrarë me armë zjarri në mënyrë makabër. Ferdinand Hoti, 35 vjeç, u gjet brenda një makine, e cila ka përfunduar në një lumë në San Giorgio delle Pertiche, Padova.
Hetuesit dyshojnë se vrasja ka ndodhur diku tjetër, ndërsa trupi i pajetë i Hotit është gjetur në sediljen e pasme të një makine, Fiat Bravo me ngjyrë të zezë, pa targa, e cila më pas është hedhur në lumin Tergola dhe aktualisht po ekzaminohet nga hetuesit.
Sipas mediave italiane, hipoteza e vrasjes mbështetet nga disa detaje: sediljet e pasme ishin të palosura dhe trupi i shqiptarit ka qenë i lidhur.
Po ashtu, ekspertët do të analizojnë çdo provë, përfshirë gjurmët e mundshme të gjakut në pjesën e pasagjerëve. Hetuesit do të përcaktojnë se ku dhe kur është vrarë 35-vjeçari, si dhe nëse trupi është transportuar më pas me automjet.
Mbetet që në vijim të dalin detaje të reja në lidhje me këtë ngjarje tepër të rëndë.
Sondazh
Lexo gjithashtu
