Nënkryetari i Partisë Demokratike, Belind Këlliçi, ka reaguar përmes një shënimi në rrjetet sociale pas publikimit të përgjimeve të ish-zëvendëskryeministrit Arben Ahmetaj.
Këlliçi ka hedhur akuza ndaj kryeministrit Edi Rama, duke pretenduar se pas zhvillimeve të fundit qëndron një plan për të përfituar nga pasuritë e vendit dhe për të mashtruar partnerët ndërkombëtarë.
“Plani diabolik i Edi Ramës parashikon jo vetëm ta bëjë Shqipërinë plaçkë duke e ndarë mes miqsh, jo vetëm të bëjë para me trafik ndërkombëtar armësh, por edhe të mashtrojë partnerët me në krye amerikanët”, shkruan Këlliçi.
Postimi i plotë:
Plani diabolik i Edi Ramës parashikon jo vetëm ta bëjë Shqipërinë plaçkë duke e ndarë mes miqsh, jo vetëm të bëjë para me trafik ndërkombëtar armësh, por edhe të mashtrojë partnerët me në krye amerikanët!
Roni i punëve të pista, ka skemën gati për të mbyllur gojën e Ambasadës Amerikane.
Ne presim dhe kërkojmë hetim të thellë e të shpejtë të kësaj afere, si dhe gjithashtu informacioneve të besueshme se denoncuesit Arben Ahmetaj, ish zv. Kryeministër dhe krahu i djathtë i Ramës, po i kërcënohet jeta dhe familja nga banditë të lidhur me miqtë ukraino – rus të kreut të Organizatës.
Presim dhe nxisim partnerët të reagojnë ndaj këtij komploti të rëndë që cenon edhe sigurinë e tyre.
