Të ardhurat që shteti siguron nga dhënia me qira e pasurive të sekuestruara dhe të konfiskuara kanë shënuar një rritje t...
SPORT
Gafa e tij ndëshkoi Interin, portieri Martinez: Marr përsipër përgjegjësinë
PiranjatPërditësimi i fundit 9 Shtator 2026, 18:29
Josep Martinez flet hapur pas gafës së madhe të bërë në ndeshjen me Realin e Madridit në Santiago Bernabeu që e dënoi Interin. Portieri spanjoll u bë protagonist negativ në atë ndeshje te pësimi i golit të dytë nga Los Blancos, por më vonë e fitoi pjesërisht faljen me disa ndërhyrje që e mbajtën skuadrën e Chivut në lojë deri në sekondën e fundit.
Një ditë pas kësaj përballjeje, portieri spanjoll i kampionëve të Italisë iu drejtua rrjeteve sociale duke marrë përsipër përgjegjësinë për gabimin e rëndë të kryer në mbrëmjen e së martës.
‘Marr përsipër përgjegjësinë e gabimit tim të goli i dytë, nuk mund t’i lejojmë vetes të pësojmë gola në atë mënyrë, kur përballesh me një skuadër si Reali i Madridit, që nuk t’i fal gabimet-shkruante Josep Martinez në një postim të tij në Instagram-nuk ka asnjë rrugëtim që të mos ketë rrëzime dhe gabime, si në futboll dhe në jetë. Ringritja pas një momenti vështirësie si ajo e djeshmja të formon një personalitet të fortë që të shërben për të mbrojtur këto ngjyra’
Martinez e mbylli postimin e tij me një mesazh për skuadrën për paraqitjen e bërë në fushën e lojës.
‘Të gjithëve na erdhi keq sepse besoj se skuadra dje bëri një paraqitje të shkëlqyer dhe meritonte të sillte diçka pozitive në Milano. Merren mësime, rritesh, përpiqesh për t’u përmirësuar dhe vetëm shikon përpara. Por gjithnjë të gjithë së bashku. Forca Inter’-e mbyllte postimin e tij portieri i Interit.
