Kryeministri norvegjez Jonas Gahr Store, ka deklaruar ditën e sotme se avioni që po transportonte Presindetin ukrainas Volodymir Zelenski drejt Oslos "pothuajse u godit" nga një dron teksa po përgatitej të ngrihej nga Moldavia.
“Aeroplani i tij u godit pothuajse nga një dron ndërsa po përgatitej të ngrihej nga Moldavia. Ky është realiteti që Zelensky po përjeton”, tha Store.
Zelenski mbërriti në Oslo ditën e sotme për funeralin e Mbretit Harald V të Norvegjisë. Ai zhvilloi takime me Store dhe zyrtarë të tjerë norvegjez ku folën për luftën ën Ukrainë dhe nevojën e Kievit për mbrojtje shtesë.
Ministri norvegjez i Financave, Jens Stoltenberg, i cili ishte gjithashtu i pranishëm gjatë një takimi me Zelenskyy-n, konfirmoi se presidenti ukrainas kishte përshkruar problemet me largimin e tij nga Moldavia.
“Ai na tregoi për këtë mbrëmë kur patëm një takim me të. Nuk guxoj të hyj në detaje rreth kësaj, por ai u vonua dhe pati disa kërcënime kundër aeroplanit”, tha Stoltenberg, i cili ishte shefi i NATO-s kur filloi lufta në Ukrainë.
Mbrojtja ajrore shtesë për Ukrainën ishte ndër çështjet e diskutuara gjatë takimeve të Zelenskyy me zyrtarët norvegjezë, tha Store.
Sondazh
Lexo gjithashtu
