Pas përpasjes me eskortën e Edi Ramës në Vuno të Vlorës dhe ofendimeve nga Linda Rama, gazetari dhe publicisti Arjan Konomi është hequr nga puna si opinionist në Top Channel.
Lajmin e ka bërë të ditur vetë Konomi në një video në rrjete sociale. Ai thotë se tashmë të gjithë e dinin se ai do ishte opinionist në emision “Për’puthen” në Top Channel pasi autorët dhe drejtuesit e televizionit kishin këmbëngulur shumë për ta pasur në reality show, por edhe pse nuk kishte shumë dëshirë pranoi edhe pse me një pagë sa gjysma që ai kishte marrë vite më parë.
Por pak pas sherrit me Edi dhe Linda Ramën, gjithçka ndryshoi pasi ka marrë një telefonatë nga zv.CEO e televizionit ku i është drejtuar me gjuhë të ashpër dhe i ka bërë të ditur se e kanë larguar nga puna. Po ashtu, ai shton se e kanë kërcënuar që të mos flasë për këtë temë.
@arjankonomi_ #arjankonomi #topchannel #edirama #albania #media ♬ original sound – arjan konomi
