Protestuesit vijojnë revoltën në ditën e 102-të të protestës kundër qeverisë dhe kryeministrit Edi Rama, duke vijuar marshimin në rrugët e Tiranës.
Në një tjetër aksion gjatë protestës, qytetarët janë ulur në rrugë dhe kanë bllokuar për disa minuta kryqëzimin e “21 Dhjetorit”.
Të ulur në rrugë dhe me flamuj në duar, protestuesit kanë vijuar thirrjet kundër qeverisë, ndërsa një prej mesazheve të përcjella prej tyre ishte: “Pa rini nuk ka Shqipëri!”.
