Në ceremoninë përkujtimore të 80-vjetorit të Kryengritjes së Postribës, deputeti i PD-së, Bardh Spahia, vlerësoi ...
SPORT
Historia shkruhet në Turqi, 22-vjeçarja seksi emërohet trajnere e skuadrës së meshkujve
PiranjatPërditësimi i fundit 9 Shtator 2026, 22:54
Turgutluspor ka bërë histori në futbollin turk. Klubi ka emëruar Zeynep Mestan si trajneren e re të skuadrës së parë të meshkujve, duke e bërë atë gruan e parë që merr drejtimin e ekipit senior të klubit.
Mestan, vetëm 22 vjeçe, ka marrë përsipër detyrën për të udhëhequr Turgutlusporin në një periudhë të rëndësishme, teksa klubi synon të nisë një kapitull të ri pas një periudhe të vështirë sportive.
Emërimi i saj u zyrtarizua nga klubi përmes një njoftimi në rrjetet sociale, ku Turgutluspor bëri të ditur marrëveshjen me Mestan për drejtimin teknik dhe projektin e sezonit të ri.
“Klubi ynë ka arritur marrëveshjen me Zeynep Mestan për rolin e trajneres, në përputhje me strukturën dhe objektivat e sezonit të ri”, thuhej në njoftimin e klubit.
Zeynep Mestan e njeh nga afër futbollin, pasi ka qenë vetë futbolliste. Ajo e nisi karrierën në vitin 2019 te Karsiyaka BES Spor dhe më pas luajti për disa klube të futbollit të femrave në rajonet e Izmirit dhe Manisës.
Ekipi i saj i fundit ishte Bornova Genc Yildizlar Spor, ku luajti në vitin 2025.
Vetëm pak javë pas festimit të ditëlindjes së saj të 22-të, Mestan ka bërë tashmë hapin e madh drejt pankinës së një skuadre profesioniste të meshkujve.
Sfida e re e Mestan nuk do të jetë e lehtë. Turgutluspor ka kaluar dy rënie radhazi dhe sezonin e kaluar përfundoi në vendin e dhjetë në Bölgesel Amatör Lig, rezultat që e çoi klubin në nivelin e gjashtë të futbollit turk.
Klubi kishte luajtur në kategorinë e dytë turke deri në vitin 2001, ndërsa tani përballet me misionin e rikthimit në nivelet më të larta.
Fushata e parë historike e Turgutlusporit nën drejtimin e Zeynep Mestan pritet të nisë në muajin tetor.
