Në ceremoninë përkujtimore të 80-vjetorit të Kryengritjes së Postribës, deputeti i PD-së, Bardh Spahia, vlerësoi ...
SPORT
Nga përmbysja e Liverpoolit te “show” i PSG-së, nata e madhe e Champions League
PiranjatPërditësimi i fundit 9 Shtator 2026, 23:17
Mbrëmje spektakolare në Champions League, me gola, përmbysje dhe rezultate që ndezën startin e fazës së ligës. Në “Anfield”, Liverpooli përmbysi Atlético Madridin dhe fitoi 2-1, në një ndeshje që nisi në favor të madrilenëve. Marcos Llorente i dha avantazhin skuadrës së Diego Simeones në minutën e 17-të, por Liverpooli reagoi përpara pushimit.
Në të 40-tën, Dominik Szoboszlai riktheu baraspeshën, ndërsa vetëm pesë minuta pas nisjes së pjesës së dytë, Alexis Mac Allister shënoi golin e përmbysjes. Atlético kërkoi reagimin deri në fund, por Liverpooli ruajti avantazhin dhe e nisi Champions-in me një fitore të rëndësishme.
Spektakël i vërtetë në Paris, ku PSG-ja mposhti 6-1 Slovan Bratislavën. Ousmane Dembélé shënoi dy herë në minutat 17 dhe 23, ndërsa më pas skenën e mori Ferran Torres. Sulmuesi spanjoll realizoi një hat-trick, me gola në minutat 31, 47 dhe 57. Slovan gjeti një gol ngushëllimi me Suleiman Camara në të 58-tën, por PSG nuk u ndal. Fabián Ruiz vulosi shifrat përfundimtare 6-1 në minutën e 87-të.
Fitore me përmbysje edhe për Sportingun, që mposhti 3-1 Galatasarayn. Turqit kaluan në avantazh që në minutën e 5-të pas një autogoli të Gonçalo Inacios, por Sporting reagoi me Catamo në të 27-tën. Në pjesën e dytë, Luis Suárez shënoi nga pika e bardhë në minutën e 57-të, ndërsa Zalazar realizoi golin e tretë vetëm gjashtë minuta më vonë. Një natë me shumë gola dhe emocione, që i dha Champions League një tjetër start spektakolar.
