Kryeministri Edi Rama ka reaguar në rrjetin social X pas incidenteve të mbrëmjes së sotme gjatë protestës në Tiranë, ku protestuesit bllokuan qarkullimin dhe goditën automjetin e një qytetari te Ura e Lanës.
Në reagimin e tij drejtuar në platformë"X" Rama kujton thënien e vjetër që i ka mësuar gjyshja e tij dhe akuzon se disa po tentojnë të minimizojnë dhunën si “akte të izoluara”.
"Gjyshja ime e mrekullueshme më mësoi mençurinë e vjetër latine: Të gabosh është njerëzore, por të ngulmosh në të njëjtin gabim është djallëzore. Përgjigjja juaj @democrats_eu më bën të pyes veten nëse politikanë pikërisht si ju frymëzuan pjesën e dytë të asaj fjalie.
Ju e dënuat dhunën ndaj përfaqësuesve të zgjedhur, vetëm pasi unë jua vura pamjet para syve. Pastaj menjëherë e minimizuat si 'akte të izoluara'. Për 101 ditë, protesta është zhvilluar në bulevard pa asnjë problem përsa i përket të drejtës për t'u mbledhur, për të folur dhe për të kritikuar. Por pengimi fizik i parlamentarëve të zgjedhur për të hyrë në Parlament dhe abuzimi me një deputete grua të respektuar që thjesht po përpiqej të shkonte në vendin e saj të punës, nuk është disidencë. Është dhunë.
Tani vjen një tjetër shembull i freskët i 'akteve tuaja të izoluara'. Protestuesit bllokojnë një kryqëzim të qytetit, rrethojnë makinën e një qytetari të zakonshëm që thjesht dëshiron të kalojë dhe fillojnë ta godasin. Për çfarë saktësisht është ai fajtor? Që po përpiqet të vazhdojë rrugën e tij? A do të kishit mirësinë ta dënonit edhe këtë, qartë dhe pa asnjë justifikim? Unë nuk po përdor dhunën e disave për të diskredituar çdo protestues. Ju jeni duke përdorur sjelljen paqësore të shumëkujt për të minimizuar dhunën e të tjerëve. Hajde, bëhu trim dhe thuaje: Kjo nuk është disidencë. Kjo është dhunë", shkruan Rama.
Kujtojmë se protesta mbrëmjen e sotme është shoqëruar me tensione dhe bllokim të disa akseve kryesore në kryeqytet dhe si u krijua trafik i rënduar. Një incident u shënua te Ura e Lanës, ku protestuesit rrethuan dhe goditën makinën e një qytetari që kërkoi të lirohej rruga. Kjo vjen një ditë pas përplasjeve para Kuvendit, ku u hodhën vezë në drejtim të deputetëve.
My amazing grandmother taught me the old Latin wisdom, errare humanum est, perseverare diabolicum. To err is human, but to persist in the same error is diabolical.
— Edi Rama (@ediramaal) September 9, 2026
Your reply @democrats_eu makes me wonder whether politicians exactly like you inspired the second half of that… pic.twitter.com/4PQ0Kswijb
Sondazh
Lexo gjithashtu
