Mbrëmja e Champions League sjell në fushë dy skuadra italiane me objektiva dhe histori krejt të ndryshme. Roma rikthehet në kompeticionin më prestigjioz të Europës kundër Fenerbahçes, ndërsa Como përjeton për herë të parë emocionet e turneut më të madh kontinental përballë Leipzigut.

Verdhekuqtë do ta nisin aventurën e tyre në transfertën ndaj Fenerbahçes, në Stamboll, në orën 18:45. Roma rikthehet në Champions pas shtatë vitesh, që nga eliminimi ndaj Portos në fazën e 1/8-ve, dhe synon të konfirmojë formën e mirë të treguar në kampionat.

Trajneri Gian Piero Gasperini pritet t’i besojë sërish Paulo Dybalas, i cili ka 53 paraqitje në Champions League dhe kërkon të rikthehet tek goli në Europë. Në sulm pritet të jetë edhe Malen, ndërsa Soulé favorizohet për të nisur nga minuta e parë. Në krahun e djathtë mbetet një dilemë mes Lullit dhe Molinës.

Gasperini kërkon nga skuadra e tij të luajë me të njëjtin intensitet si në ndeshjet ndaj Fiorentinës, Leçes dhe Atalantës. Roma ka pësuar vetëm një gol në tri ndeshjet e para të kampionatit dhe shpreson që mbrojtja të përballojë edhe rrezikun kryesor të Fenerbahçes, Mason Greenwood. Në krahun tjetër, vendasit nuk do të kenë në dispozicion ish-lojtarin e Lazios, Guendouzin, i pezulluar.

Në të njëjtën mbrëmje, Como do të shkruajë historinë. Skuadra e drejtuar nga Cesc Fabregas debuton për herë të parë në Champions League, përballë Leipzigut. Himni i kompeticionit do të dëgjohet për herë të parë në brigjet e liqenit, në një stadium “Sinigaglia” që është zgjeruar në 12.370 vende.

Fabregas, i cili debuton në Champions edhe si trajner, ka theksuar se për klubin kjo është një ndeshje historike, por skuadra duhet ta përballojë atë me profesionalizëm. Në formacion, Kean pritet të fitojë duelin me Douvikasin për një vend në sulm.