Një çift bashkëshortësh është arrestuar në fshatin Gjirakare të Kolonjës, pasi dyshohet se kultivonte 270 bimë kanabisi në një zonë të pyllëzuar pranë banesës.
Të arrestuarit janë L. V., 64 vjeç, dhe A. V., 54 vjeçe.
Gjatë kontrollit në banesën e çiftit u gjetën dhe u sekuestruan dy thasë me bimë të dyshuara narkotike, të prera dhe në proces tharjeje.
Bimët e kultivuara u asgjësuan, ndërsa materialet procedurale iu referuan Prokurorisë së Korçës për veprime të mëtejshme.
