Ushtria amerikane ka vrarë tre persona ditën e djeshme, në një sulm ndaj një anijeje të dyshuar për kontrabandë droge në Karaibe.
Komanda Jugore e SHBA-së deklaroi se Task Forca e Përbashkët e Hemisferës Perëndimore kreu sulmin ndaj një motoskafi që operonte përgjatë “rrugëve të përcaktuara të trafikimit të drogës”.
“Informacionet e konfirmuara zbuluan përfshirjen aktive të anijes në trafikimin e drogës”, tha ajo, duke i përshkruar tre personat e vrarë si “narkoterroristë”.
Që prej shtatorit të vitit të kaluar, SHBA-ja ka kryer rregullisht sulme ndaj anijeve që pretendohet se ishin të përfshira në trafikun e drogës në Detin e Karaibeve dhe në pjesën lindore të Oqeanit Paqësor, si pjesë e asaj që e përshkruan si nisma të vazhdueshme kundër narkotikëve.
Me sulmin e fundit, ushtria amerikane ka raportuar të paktën 69 operacione të tilla, të cilat kanë vrarë të paktën 205 persona, sipas shifrave të përpiluara nga Military Times dhe Anadolu.
Sondazh
Lexo gjithashtu
