Prokuroria e Posaçme kundër Korrupsionit dhe Krimit të Organizuar (SPAK) ka refuzuar kërkesën e avokatëve britanikë p&eum...
POLITIKE
Përfundoi në komisariat pas protestës te Kuvendi/ Lapaj tregon prapaskenat e shoqërimit: Më rrethuan 20 civilë, na tërhoqën zvarrë
PiranjatPërditësimi i fundit 10 Shtator 2026, 17:47
Kreu i Lëvizjes “Shqipëria Bëhet”, Adriatik Lapaj ka treguar detaje nga shoqërimi i tij në polici gjatë protestës së zhvilluar të martën para Kuvendit, pasi ndërhyri teksa po merrej me forcë gazetari Shpend Gashi.
Lapaj pohoi se rreth 20 persona civilë e kishin rrethuar, ndërsa hodhi akuza për skemën që, sipas tij, po ndiqet nga pushteti.
“Ne e kemi ndarë mendjen, jo vetëm unë. Mund të na shoqërojnë, të na arrestojnë çdo ditë, hall është që të arrestojnë për vjedhjen e lekëve të ilaçeve, aty është turp. Por të arrestojnë se proteston kundër hajdutëve, është dekoratë. Do të na mbajnë deri në 72 orë, s’ka problem. Të reagosh kundër vjedhjeve është lavdi.
Ka qenë një situatë normale proteste. Ne po pengonim një makinë të një deputeti, që ka penguar arrestimin e Belinda Ballukut. Po pengonim punën e deputetëve. Cilët deputetë? Ata që mbrojnë hajdutët e parave publike. Mendoj se është e vonuar madje. Atë ditë kemi qenë të gjithë. Gazetari Shpendi shkoi të ndihmonte një grua që po shtyhej. Dikush e kap nga qafa zotin Gashi, se e kapën prej gryke. Kjo nuk është diçka që e parashikon ligji. Shikoni pamjet.
Zoti Gashi nuk po bënte ndonjë rezistencë. Kam bërë ndërhyrje ku u gjeta i rrethuar nga policë civilë. Shikoni pamjet. Për çfarë i duan civilët?! Nuk është për të bërë arrestime nga civilët. Se aty ka punonjës me uniformë.
Unë shoh që po më vjen shteti. Nëse më vjen të më kapë një i ri 25-vjeç me bluzë Dolce & Gabbana. Po ti rrogën e ke 800 mijë lekë, ku i gjete lekët?! Atë unë mund ta kisha goditur me grusht. Kush është ky që vjen si civil? Nuk bëhet kjo që 20 punonjës civilë vijnë e marrin zvarrë një gazetar, një pedagog apo një qytetar të thjeshtë.
Nuk po flas për punonjësit e zakonshëm të policisë. Po flasim për ata që janë infiltrime të krimit në strukturat e larta të policisë. Trajtimi më pas ishte shumë korrekt. Nuk kishte argument për shoqërimin. Me kaq vite, se kam shkelur kurrë ligjin. E njoh mirë atë dhe limitin e ligjit. Ndërhyrja ime ishte brenda ligjit, për të mbrojtur disa qytetarë nga disa civilë që po e merrnin zvarrë. Dolëm që aty sapo shkuam se u pranua që ishte gabim. Të gjithë ata që janë në shesh janë të barabartë. Janë djem e vajza që janë arrestuar në 103 ditë. Unë shkoj në protestë si qytetar. Mendoj se është gjëja më e mirë që mund të bëjnë të gjithë, t’i hedhim dru asaj flakës së lirisë. Në Shqipëri po instalohet kultura e protestës përballë hajdutëve.
Pjesa më e madhe e protestuesve janë homogjenë, të bashkuar.”, tha ai.
