Dy email-e të dërguara nga biznesmeni Alban Eftimi në adresë të ish-zv.kryeministres Belinda Balluku janë bërë pjes&eu...
BOTA
VIDEO/ Shfaqje mbresëlënëse me 2,977 dronë në Nju Jork për 11 shtatorin
PiranjatPërditësimi i fundit 10 Shtator 2026, 18:25
Një shfaqje spektakolare me dronë u zhvillua në qiellin e Nju Jorkut të mërkurën në mbrëmje, më 9 shtator, në prag të 25-vjetorit të sulmeve terroriste të 11 Shtatorit.
Plot 2,977 dronë u ngritën mbi portin e Nju Jorkut, duke formuar në qiell siluetën e Kullave Binjake, në një homazh simbolik për viktimat e sulmeve të vitit 2001. Numri i dronëve përkon me numrin e personave që humbën jetën në sulmet e 11 Shtatorit.
Shfaqja artistike, e titulluar “2,977 Lights Over New York Harbor”, u realizua si një instalacion i veçantë për përvjetorin e 25-të të tragjedisë dhe solli në qiell imazhin e Kullave Binjake, duke krijuar një pamje mbresëlënëse mbi portin e Nju Jorkut.
Homazhi u zhvillua në kuadër të aktiviteteve që po organizohen në Nju Jork për të përkujtuar 25-vjetorin e sulmeve të 11 Shtatorit, të cilat morën jetën e 2,977 njerëzve
Sipas organizatorëve, shfaqja u krijua në bashkëpunim me anëtarë të komunitetit të 11 shtatorit, përfshirë të afërm, të mbijetuar dhe ndihmës të shpejtë. Vepra u zbulua përpara ngjarjes përkujtimore të së premtes dhe u prezantua si një ngjarje publike falas me theks në reflektim dhe unitet.
Organizatorët thanë se shfaqja ajrore u organizua nga një grup personash, mes tyre Brenda Berkman, ish-punonjëse e Departamentit të Zjarrfikësve të Qytetit të Nju Jorkut (FDNY) dhe artiste; Tim Brown, pjesëtar i forcave të ndihmës së shpejtë të FDNY-së në vitet 1993 dhe 2001; Terri Strada, presidente e organizatës “Families of September 11” dhe e veja e Tom Strada; Jim Smith, bashkëshorti i oficeres së Policisë së Nju Jorkut (NYPD), Moira Smith, e cila u vra gjatë sulmeve; si dhe Genevieve Schiller, vajza e Steven Schiller. /PiranjatNews/
A drone light show featuring one drone for every life lost on 9/11 lit up the New York City sky in a powerful tribute to the victims. ???????? What a beautiful tribute. ???????? https://t.co/JUEeAIsgVC
