Dy email-e të dërguara nga biznesmeni Alban Eftimi në adresë të ish-zv.kryeministres Belinda Balluku janë bërë pjes&eu...
BOTA
Ishujt Kuril pjesë të Rusisë, Japonia kërkon ndryshim në hartën e re të botës të OKB-së
PiranjatPërditësimi i fundit 10 Shtator 2026, 18:38
Japonia ka kërkuar rishikimin e një harte të re botërore të miratuar nga OKB-ja, pasi ajo i bënte ishujt Kuril të dukeshin sikur i përkisnin Rusisë. Asambleja e Përgjithshme e OKB-së votoi të premten për të miratuar hartën e re, e cila e bën kontinentin afrikan më të madh, ndërsa gjithashtu zvogëlon Amerikën e Veriut dhe Evropën.
Japonia ishte midis 164 anëtarëve të OKB-së që mbështetën rezolutën, por tani e ka kundërshtuar atë sepse i tregon Ishujt Kuril, të njohur në Japoni si Territoret Veriore, me të njëjtën ngjyrë si Rusia. Zëdhënësi i qeverisë japoneze, Minoru Kihara, tha të enjten se harta e re përmbante një përshkrim që binte ndesh me qëndrimin e qeverisë japoneze.
“Ne paraqitëm një protestë te operatori i faqes së hartës përmes kanalit tonë diplomatik për të kërkuar korrigjimin e këtij përshkrimi”, u tha Kihara gazetarëve.
Ishujt e kontestuar u pushtuan në vitin 1945 nga ish-Bashkimi Sovjetik, i cili më pas dëboi popullsinë japoneze.
Marrëdhëniet midis Japonisë dhe Rusisë u përkeqësuan ndjeshëm muajin e kaluar, kur presidenti rus, Vladimir Putin bëri një vizitë të papritur në ishujt e kontestuar për herë të parë.Japonia thirri menjëherë ambasadorin e Moskës, me kryeministren Sanae Takaichi, e cila tha se vizita e Putinit “ofendon ndjenjat e popullit japonez”, duke shtuar se ishte absolutisht e papranueshme.
Ajo tha se ishujt ishin një pjesë e pandashme e territorit të Japonisë, si historikisht ashtu edhe sipas ligjit ndërkombëtar. Moska reagoi shpejt, duke thënë se i hedh poshtë kategorikisht deklarata të tilla, të cilat i konsiderojnë politikisht të papërshtatshme, fyese dhe, natyrisht, ligjërisht të pabazuara.
OKB-ja tha se harta e re synonte të paraqiste “një përfaqësim më të saktë” të masave kontinentale tokësore sesa ishte portretizuar nga projeksionet më tradicionale të Mercator.
