Protesta e 103-të kundër qeverisë është mbyllur mbrëmjen e sotme para Kryeministrisë, pas marshimit të qytetarëve në disa prej rrugëve kryesore të Tiranës.
Në përfundim të tubimit, protestuesit përsëritën thirrjet kundër kryeministrit Edi Rama dhe kërkesën për largimin e tij nga drejtimi i qeverisë.
“Edi Rama, dil në bulevard!”, “Dorëheqje!”, “Arrestoni Ramën!” dhe “Arrestoni Ballukun!” ishin disa prej thirrjeve që u dëgjuan gjatë marshimit.
Pas përshkimit të itinerarit të protestës, qytetarët u ndalën sërish përpara Kryeministrisë, duke e kthyer këtë pikë në vendin ku u përmbyll tubimi i 103-të.
Pavarësisht përfundimit të protestës së mbrëmjes, protestuesit paralajmëruan vijimin e tubimeve edhe në ditët e ardhshme.
“Rama, dorëhiqu!” dhe “Nesër më shumë!” ishin thirrjet me të cilat qytetarët mbyllën protestën e kësaj mbrëmjeje.
