Policia ka vënë në pranga mbrëmjen e kaluar, Adrian Gjebeshin i njohur dhe si Adrian Merlika, 40-vjeç, pronari i një hoteli në zonën e Fushë-Krujës.
Sipas policisë, ai është arrestuar në ambjentet e hotelit në pronësi të tij, pasi është kapur me një armë zjarri pistoletë. Po ashtu në ambjentet e hotelit janë gjetur dhe sekuestruar, një jelek antiplumb dhe një shumë parash rreth 20 mijë euro.
Adrian Gjebeshi është një emër i njohur për autoritetet pasi është arrestuar në vitin 2017. I akuzuar për vrasje të mbetur në tentativë ngjarje e ndodhur në vitin 2015 ku rreth orës 21:00 tentoi të vrasë në qendër të Fushë-Krujës një 25-vjeçar.
Gjebeshi rezulton me precedent penal edhe në shtetin Italian.
