Ish-ministri i Shëndetësisë, Ilir Beqaj, është paraqitur këtë të premte në ambientet e Prokurorisë së Posaçme (SPAK), në kuadër të masës së sigurisë të vendosur ndaj tij.
Beqaj, i cili ndodhet nën masën “arrest në shtëpi”, është paraqitur pranë SPAK-ut i shoqëruar nga një punonjës policie.
Paraqitja e ish-ministrit lidhet me zbatimin e detyrimeve që rrjedhin nga masa e sigurisë dhe procedurat e hetimit që po zhvillohen nga Prokuroria e Posaçme.
