Banorët e Memaliajt dhe kryetari i bashkisë Albert Malaj braktisën dëgjesën publike organizuar pasditen e sotme për reformën e re Administrative-Territoriale të propozuar nga qeveria Rama.

Së bashku me banorët ai kundërshton çdo skenar që mund të çojë në shkrirjen e Bashkisë Memaliaj apo largimin e shërbimeve nga territori.

Ata kërkojnë që Bashkia Memaliaj të ruhet si njësi administrative më vete, duke argumentuar se ndryshimi i kufijve administrativë do të rrezikonte të thellonte shpopullimin dhe të largonte institucionet nga qytetarët.

Ata këshilltarë janë mbledhur sa e dëgjuan në televizor që shkoi drafti në parlament, u ngritën nuk pritën as draftin por unanimisht dolën e morën vendim. Të djathtët erdhën për 5 minuta, të majtët vetëm presin urdhra. Nuk kanë fuqi i kuptoj, tha Malaj.

Ndryshe nga dëgjesat e zhvilluara në bashkitë e tjera, ku këshilltarët bashkiakë  (Shenim: Keshilli bashkiak dominohet nga shumica socialiste) janë bërë pjesë e kundërshtimit të reformes, në Memaliaj anëtarët socialistë Këshillit Bashkiak u përballën me kryebashkiakun Albert Malaj dhe me qytetarët.

Debati u tensionua në sallë, ndërsa banorët u rreshtuan në krah të kryebashkiakut. Në kulmin e përplasjes, Albert Malaj u largua nga dëgjesa, ndërsa pas tij u larguan edhe të gjithë banorët e pranishëm në sallë.

Kundërshtimi ndaj Reformës Administrative-Territoriale është shprehur edhe nga banorët e Njësive Administrative Krahës, Qesarat, Buz dhe Luftinjë, të cilët kërkojnë ruajtjen e Bashkisë Memaliaj dhe shërbimeve publike pranë qytetarëve.