Edi Rama shprehet se Belinda Balluku ka një çështje me drejtësinë dhe nuk po e mbron askush.
Sipas Ramës, prokuroi së bashku me një gjykatës u bashkuan në një dhomë dhe vendosën që të bënin kryeministrin, parlamentin dhe presidentin duke sfiduar Kushtetutën. Aty, sipas Ramës, u shkel vija e kuqe.
“Në rastin e Belinda Ballukut u ngatërrua shumë keq një gjë tjetër, që nuk kishte lidhje me të. U përdor masë absurde e pandodhur në historinë e botës, pezullimin e një ministri nga detyra. Prokuroi së bashku me një gjykatës u bashkuan në një dhomë dhe vendosën që të bënin kryeministrin, parlamentin dhe presidentin.
Nuk i sfidova unë, u sfiduan Kushtetuta e Shqipërisë, u sfidua një pushtet i pavarur. Ne nuk jemi të pavarur nga ligji, ne duhet ta zbatojmë, ata janë atje të pavarur nga ne. Ata nuk janë të pavarur në pikën që të vendosin për ne.
Aty u shkel vija e kuqe, unë isha cinik në raport me të nesërmen.
Në rastin e Ballukut, SPAK hyri në territorin tim si kryeministër dhe në territorin tonë si shumicë parlamentare dhe në territorin e presidentit.
Balluku ka një çështje me drejtësinë, në atë çështje unë nuk kam thënë asgjë, është i njëjti standard, nuk kam folur as për çështjen e Beqajt për të cilin pres të shoh ku është korrupsioni, pres ta shoh, nuk e kam parë akoma.
Kam folur vetëm për çështje të parimit dhe standardit, kështu që ajo ka një çështje me drejtësinë aty as unë dhe askush nuk e mbron, aty ajo mbron veten e vet për sa i takon të mbrojë veten e vet”, tha ai.
Rama ka komentuar edhe rastin e Erion Veliajt.
“Kryetari i zgjedhur të rrijë i mbyllur në paraburgim, absurd i kryeqytetit. E pamundur të komunikosh”, tha Rama.
