Një aksident i rëndë është shënuar në fshatin Mazhar të Sevasterit, ku një automjet ka dalë nga rruga dhe ka përfunduar në një terren të thepisur, pas një rënieje nga një lartësi e konsiderueshme.

Si pasojë e aksidentit, drejtuesi i automjetit, banor i zonës, ka humbur jetën.

Nga të dhënat paraprake dyshohet se drejtuesi ka humbur kontrollin mbi automjetin, duke shkaktuar daljen e tij nga rruga dhe rënien në terrenin kodrinor.

Ndërkohë, vijojnë hetimet për zbardhjen e plotë të shkaqeve, si dhe dinamikës së ngjarjes.