Një stuhi e fortë ka përfshirë mesditën e sotme qytetin e Roskovecit dhe fshatrat përreth.
Stuhia ka zgjatur rreth 10 minuta, ndërsa erërat e forta kanë shkaktuar dëmtime në disa zona.
Përgjatë aksit rrugor Vidhisht–Roskovec, disa pemë janë thyer dhe kanë përfunduar në rrugë, duke vështirësuar përkohësisht qarkullimin e automjeteve.
Për momentin, nuk raportohet për persona të lënduar nga stuhia.
