Zhduket në Detin e Javës anija me mbi 240 persona, alarm në Indonezi (VIDEO)
Një operacion i gjerë kërkim-shpëtimi është duke u zhvilluar në Indonezi për gjetjen e anijes së pasagjerëve Virgo Transport 8, në bordin e së cilës dyshohet se ndodhen më shumë se 240 persona, pasagjerë dhe anëtarë të ekuipazhit.
Anija ishte nisur nga Surabaya, në lindje të ishullit Java, ndërsa gjatë udhëtimit raportohet se është përballur me kushte të vështira atmosferike. Kontakti me të është humbur në orët e para të mëngjesit të së dielës, 13 shtator.
Pas humbjes së kontaktit, autoritetet indoneziane të kërkim-shpëtimit u vunë menjëherë në lëvizje.
BREAKING: At least 125 people are missing after the passenger ship Virgo Transport 8 lost contact in the Java Sea near South Kalimantan, Indonesia.
Authorities have rescued 115 people, while 1 person has been confirmed dead. Search and rescue operations are ongoing. pic.twitter.com/urIUSJQ0e7
— Weather Monitor (@WeatherMonitors) September 13, 2026
Autoritetet po koordinohen me shërbimet detare dhe po monitorojnë nga afër kushtet e motit në zonë.
Deri më tani nuk ka raportime për viktima. Megjithatë, shqetësimi për fatin e më shumë se 240 personave në bord po rritet, ndërsa operacioni i kërkim-shpëtimit vijon në Detin e Javës.
