Një ngjarje e paprecedentë raportohet të ketë ndodhur në fshatin Gërdec të Vlorës. Një 56-vjeçar ka kërcënuar kushëririn e tij, duke i lënë në portën e banesës një fishek arme zjarri dhe një letër.
Sipas policisë, i dyshuari i ka kërkuar të afërmit dorëzimin e shumës prej 300 mijë eurosh, ndërsa e ka kërcënuar me jetë atë dhe familjarët e tij në rast se nuk përmbushej kërkesa.
Ka qënë shtetasi, E. M., ai i cili ka kallëzuar në polici se në portën e banesës së tij kishte gjetur një fishek arme zjarri dhe një letër me përmbajtje kërcënuese.
Pas kallëzimit policia ka arrestuar 56-vjeçarin A. M., banues në Vorë.
Gjatë kontrollit në banesën e tij, policia gjeti dhe sekuestroi municion luftarak, veshjet që dyshohet se janë përdorur gjatë kryerjes së veprës penale, si dhe një aparat celular.
Ndaj 56-vjeçarit rëndojnë akuzat për “Shtrëngimi me anë të kanosjes për dhënien e pasurisë” dhe “Mbajtja pa leje dhe prodhimi i armëve, armëve shpërthyese dhe i municionit”.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Tiranë për veprime të mëtejshme.
