Kreu i PD Sali Berisha është kthyer në Tiranë pas vizitës në SHBA, ku në një prononcim të shkurtër nga Rinasi ...
AKTUALITET
“Dil jashtë”, u përplas me Edi Ramën për “Territorialen”, Egla Ceno flet për përballjen me kryeministrin: Ai u çua i irrituar edhe...
PiranjatPërditësimi i fundit 13 Shtator 2026, 16:44
Mes debateve dhe përplasjeve, kështu është zhvilluar mbledhja e kësaj të diele mes kryeministrit Edi Rama dhe komunitetit të Poliçanit.
Përpos kryebashkiakut, Adriatik Zotkaj, pjesë e përplasjes me kreun e qeverisë ka qenë edhe aktorja Egla Ceno, e cila me urdhër të kryeministrit është nxjerrë më pas jashtë sallës.
Ky fakt i fundit është bërë me dije nga vetë Ceno përmes një deklarate për Top Channel. Aktorja ka treguar se kërkesa e saj ka qenë vetëm që kryeministri ta dëgjonte, ndërkohë që ky i fundit i kishte kërkuar që të dilte jashtë nga salla.
Aktorja tha se përfaqësuesit e Poliçanit kishin marrë pjesë në takim me qëllimin për të shprehur shqetësimet e tyre lidhur me ndarjen territoriale dhe të paraqisnin qëndrimin e komunitetit. Sipas saj, pas fjalës së disa qytetarëve, diskutimi u ndërpre nga kryeministri, i cili vijoi me një fjalimin e tij, ndërsa kërkesat për replikë nga të pranishmit nuk u morën parasysh.
Në një moment, Ceno i ka kërkuar Ramës nëse qytetarët do të kishin mundësi të flisnin dhe të dëgjoheshin. Kërkesa e saj, sipas rrëfimit të aktores, është shoqëruar me tension dhe me urdhrin që ajo të largohej nga salla.
“Ishim një grup përfaqësuesish nga Poliçani për të bërë një dëgjesë për Territorialen. Poliçani është një qytet që e ka shprehur shumë herë mendimin e tij. Ministri Demo u dha fjalën qytetarëve, folën vetëm 2 prej tyre. Pastaj ndërhyri kryeministri dhe tha: “Ok, ok, se nuk jemi në një mbledhje për të dëgjuar sa mirë jetohet në Poliçan”, dhe fillon një fjalim që kishte pyetje, kishte përgjigje vetë, kishte djem nga salla që ngrinin dorën për të replikuar, po asnjë nuk u lejua të flasë.
Kur ishte drejt funditi thashë: “A mund të flasim, a do na dëgjoni?”. Më tha: “Dil jashtë”. “Po mo”, i thashë, “dal edhe jashtë”, por më thanë që kemi ardhur sepse kryeministri do na dëgjojë zërin. “Dil jashtë”, të lutem, i thashë. “Jo, mos m’u drejto kështu.”
U çua shumë i irrituar dhe tha: “Ndërpritet mbledhja derisa të dali zonja jashtë.” Në ato momente, i gjithë komuniteti u bë bashkë me mua dhe dolëm të gjithë jashtë.
Nuk pati as provokime nga ana jonë. Unë vetëm i kërkova të na dëgjonte dhe të flisnim”, u shpreh Egla Ceno.
