“Deri në fund të vitit nuk shtrohet fare diskutimi për probleme buxhetore, duke qenë se ne kemi qesen tonë të buxhetit. Nuk po marrim nga qeset e të tjerëve. Me pak fjalë, nuk po na lejohet të marrim nga qesja jonë”, kështu deklaroi gjyqtari i Gjykatës së Posaçme kundër Korrupsionit dhe Krimit të Organizuar, Engert Përllumbi, deklaratë e cila ka sjellë dhe një reagim të menjëhershëm nga kreu i qeverisë, Edi Rama.
Përmes një postimi në rrjetin e tij social “X”, Rama ka ardhur me një tjetër postim lidhur me debatet për magjistratët dhe financimin e sistemit të drejtësisë, duke komentuar kështu edhe deklaratën e Pëllumbit.
Sipas kreut të qeverisë kjo deklaratë e bërë nga një magjistrat është “e pabesueshme”.
“E pabesueshme, po e vërtetë që një gjykatës e kupton kështu pavarësinë e pushtetit gjyqësor dhe e shikon kështu buxhetin e shtetit shqiptar…”, shkruan Rama.
E pabesueshme, po e vërtetë që një gjykatës e kupton kështu pavarësinë e pushtetit gjyqësor dhe e shikon kështu buxhetin e shtetit shqiptar… https://t.co/tWBwXH2d4m
— Edi Rama (@ediramaal) September 13, 2026
Kujtojmë se në një deklaratë të dhënë më herët për emisionin “Ko Javë”, gjyqtari Engert Pëllumbi e cilësoi një precedent të rrezikshëm situatën e krijuar me ngërçin e pagave dhe moszbatimin e vendimit të Kushtetueses.
Sipas tij, argumenti se moszbatimi i vendimit lidhet me mungesën e fondeve nuk qëndron, pasi deri në fund të vitit ekzistojnë fonde të parashikuara në buxhetin e institucioneve të drejtësisë.
“Është precedent shumë i rrezikshëm. Jo vetëm që është në shkelje të dispozitave përkatëse të Kodit Penal, por është edhe shkelje e pastër e Kushtetutës. Është atentat ndaj themeleve të shtetit të së drejtës. Nuk ka ndodhur kurrë një precedent i tillë”, u shpreh Pëllumbi ndër të tjera.
Sondazh
Lexo gjithashtu
