Presidenti amerikan, Donald Trump ka deklaruar se nuk i intereson nëse vendet e Gjirit do të takohen me Iranin të hënën për t&eu...
POLITIKE
Xhixho: Tirana pa ujë, qytetarët me bote, qyteti meriton ujë 24 orë, jo bote 24 orë! (VIDEO)
PiranjatPërditësimi i fundit 13 Shtator 2026, 19:59
Deputetja e Partisë së Lirisë, Erisa Xhixho, ka reaguar në rrjetet sociale për situatën e furnizimit me ujë në Tiranë, duke akuzuar qeverinë për dështim në administrimin publik.
‘Tirana pa ujë, qytetarët me bote!’, shkruan Xhixho, duke pretenduar se mungesa e ujit po detyron qytetarët të blejnë ujë me shishe ose të furnizohen përmes boteve që shpërndajnë ujë nëpër lagje.
Sipas deputetes, situata është paradoksale për një kryeqytet që ka përjetuar ndërtime dhe investime të shumta vitet e fundit.
Xhixho ngre disa pikëpyetje lidhur me investimet në rrjetin e ujësjellësit dhe përdorimin e fondeve publike. ‘Ku janë investimet në rrjet? Ku shkojnë paratë e qytetarëve? Pse Tirana nuk ka ende ujë 24 orë?’, shkruan deputetja.
Reagimi i deputetes së PL, Erisa Xhixho:
TIRANA PA UJË, QYTETARËT ME BOTE!
Uji mungon, ndërsa qytetarët detyrohen të blejnë ujë me shishe e të furnizohen me bote që sjellin ujin nëpër lagje.
Tirana e kullave, betonit dhe luksit të propagandës së qeverisë është kthyer në një qytet ku qytetarët presin botet e ujit për të mbushur bidonat dhe depozitat.
Të paguash faturën e ujit dhe taksat, por të detyrohesh të blesh edhe ujin për të mbushur depozitën, është poshtërim për qytetarët dhe dështim i pastër i administrimit publik.
Ku shkojnë paratë e qytetarëve?
Pse Tirana nuk ka ende ujë 24 orë?
Përgjigjja është e thjeshtë: Sepse interesi është për të vjedhur dhe jo për t’u shërbyer qytetarëve.
