Pas humbjes së djeshme në Lezhë përballë Korabit, Besëlidhja njofton se me konsensus, ndërpreu bashkëpunimin me trajnerin Elvis Plori. Për lezhjanët, kjo ishte humbja e dytë, në po kaq ndeshje të luajtura në kampionat.
KF Besëlidhja njofton se ka mbyllur me konsensus bashkëpunimin me trajnerin Elvis Plori.
Klubi i Futbollit Besëlidhja shpreh mirënjohjen dhe falënderimin e tij për teknikun Plori, për përkushtimin dhe kontributin e dhënë gjatë gjithë rrugëtimit të tij si pjesë e familjes verdhe-kuqe.
Ende nuk dihet se kush do të jetë zëvendësuesi i Plorit në krye të Besëlidhjes, por në media qarkullon emri i Mirel Josës, teknik i njohur dhe me shumë eksperiencë në futbollin shqiptar.
