Një person ka humbur jetën dhe tre të tjerë janë plagosur pasi një anije tregtare u godit në Ngushticën e Hormuzit, bëjnë të ditur autoritetet lokale iraniane.
Guvernatori i qytetit Qeshm, Amir Teymouri, deklaroi për televizionin shtetëror se incidenti ndodhi rreth orës 05:00 të mëngjesit, pranë brigjeve të ishujve Hengam dhe Qeshm.
“Një anije tregtare u godit rreth orës 05:00 të mëngjesit pranë brigjeve të ishujve Hengam dhe Qeshm. Një person humbi jetën dhe tre të tjerë u plagosën”, tha Teymouri.
Autoritetet nuk kanë bërë të ditur se nga erdhi goditja apo çfarë e shkaktoi incidentin.
Ngjarja ndodh në një moment të tensionuar në Ngushticën e Hormuzit, ndërsa Irani dhe Shtetet e Bashkuara vijojnë përplasjet lidhur me këtë rrugë ujore strategjike.