Pas konstituimit të Kuvendit të Kosovës paraditen e sotme, është votuar edhe qeveria e re e cila do të udhëhiqet nga Lëvizja Vetëvendosje me kryeministër Albin Kurtin.
Ky i fundit paraqiti para deputetëve programin e qeverisë së re duke e vënë theksin në forcimin e sigurisë dhe përmirësimin e mirëqenies së qytetarëve. Përveç kësaj, ai foli edhe për procesin gjyqësor që po zhvillohet në Hagë ndaj ish-krerëve të UÇK-së duke thënë se qëndrimi i qeverisë është i qartë në mbështetje të Thaçit dhe të tjerëve të cilët po mbahen padrejtësisht në paraburgim.
“Këto ditë të gjithë jemi në ankth në prag të vendimit të procesit gjyqësor për drejtuesit e UÇK-së. Kërkesa e prokurorisë është e padrejtë dhe në shpërputhje. Qëndrimi im dhe i qeverisë është i qartë, gjenocidin e ka kryer Serbia dhe asnjë gjykatë vendore apo ndërkombëtare nuk mund ta njollosë atë”, tha Kurti.
Përbërja e kabinetit të ri qeverisës në Kosovë:
Kryeministër: Albin Kurti
Zëvendëskryeministër i parë dhe Ministër i Punëve të Jashtme dhe Diasporës: Glauk Konjufca
Zëvendëskryeministre e dytë dhe Ministre e Drejtësisë: Donika Gërvalla
Zëvendëskryeministër i tretë për çështje të pakicave dhe bashkëpunim: Fikrim Damka
Ministër i Financave: Hekuran Murati
Ministër për Punë, Familje dhe Vlera të Luftës Çlirimtare: Andin Hoti
Ministër i Mbrojtjes: Ejup Maqedonci
Ministër i Punëve të Brendshme: Xhelal Sveçla
Ministër i Administratës Publike dhe Digjitalizimit: Lulëzon Jagxhiu
Ministër i Shëndetësisë: Arben Vitia
Ministër i Arsimit dhe Shkencës: Hajrullah Çeku
Ministre e Kulturës dhe Turizmit: Saranda Bogujevci
Ministër i Sportit dhe Rinisë: Blerim Gashani
Ministër i Administrimit të Pushtetit Lokal: Elbert Krasniqi
Ministre e Mjedisit dhe Planifikimit Hapësinor: Fitore Pacolli
Ministër i Bujqësisë, Pylltarisë dhe Zhvillimit Rural: Armend Muja
Ministër i Infrastrukturës dhe Transportit: Dimal Basha
Ministre e Tregtisë, Industrisë dhe Integrimeve Evropiane: Mimoza Kusari
Ministre e Ekonomisë: Artane Rizvanolli
Ministër për Komunitete dhe Kthim: Nenad Rashiq
Ministër për Zhvillim Rajonal: Rasim Demiri. Versus.al
