Përleshje mes rreth 15 personave në një zonë të Athinës, plagoset me thikë 40-vjeçari! Arrestohet edhe një shqiptar

Një përleshje midis afërsisht 15 personave ndodhi të shtunën në mbrëmje në zonën e Kypselit në Athinë.

Konkretisht, sipas policisë greke, rreth orës 21:00, në kryqëzimin e rrugëve Lefkados dhe Evelpidon, individët u përleshën me njëri-tjetrin, për një arsye që aktualisht nuk dihet.

Gjatë përleshjes, një burrë indian 40-vjeçar u plagos nga një objekt i mprehtë në stomak dhe kofshë, dhe u transportua me ambulancën e EKAB në spitalin “Kryqi i Kuq”.

Dy grekë, të moshës 26 dhe 30 vjeç, si dhe një shqiptar 36-vjeçar, u arrestuan në lidhje me këtë rast, dhe kundër tyre u ngrit një padi për lëndim të rrezikshëm trupor në bashkëpunim.