web counter
LEXO PA REKLAMA!

SHKARKO APP

App Store
Google Play

Akuzat për trafik armësh/ Këlliçi ngre pikëpyetjet: Pse gënjeu në Kuvend ministri Nufi?

13 Shtator 2026, 16:40, Politikë CNA

Akuzat për trafik armësh/ Këlliçi ngre pikëpyetjet:

Deputeti dhe nënkryetari i PD-së, Belind Këlliçi, ka reaguar pak minuta më parë lidhur me audio-përgjimin që implikonte qeverinë dhe Ministrin e Mbrojtjes, Ermal Nufi, në trafik ndërkombëtar armësh.

Përmes një postimi në rrjetet e tij sociale, Këlliçi shprehet se Nufit iu desh një javë që të reagonte për çështjen, ndërsa zëvëndësja e tij deklaroi zyrtarisht se Shqipëria nuk prodhon dhe nuk eksporton armë.

Këlliçi ngriti dyshime lidhur me deklaratat e bërë nga Nufi disa muaj më parë në Kuvend, kur deklaronte me krenari krejtësisht të kundërtën.

“Pas 6 ditësh nga publikimi i audiopërgjimit të Ron Yeffet që implikon qeverinë dhe Ministrin e Mbrojtjes në trafik armësh, ka reaguar Ermal Rraketa. Në një video në rrjete sociale ai thotë se Shqipëria do të prodhojë armë. Pra flet për të ardhmen!

Por, para deputetëve, në foltoren e Kuvendit të Republikës, me 22 prill, Ministri i Mbrojtjes deklaroi se Shqipëria prodhon dhe kishte dërguar armë në zonat në konflikt. Rrahu dhe gjoksin me krenari madje!

Më 10 shtator, zëvendësministrjae Mbrojtjes deklaroi zyrtarisht se Shqipëria as nuk prodhon dhe as nuk eksporton armë.

Për çfarë e kishte fjalën Ermal Rraketa në Parlament?!

Mos e ka fjalën për punët e pisëta, me të cilat Edi Rama ka ngarkuar Ron Yeffet?!

Mos e ka fjalën për trafik ilegal armësh?!

Pse i’u desh 1 javë Ministrit Nufi për një reagim?

Skandali ka shpërthyer dhe publiku ka parë audiopërgjimet.

A e genjeu Ermal Nufi, Parlamentin nga foltorja?! Pse u detyrua ta mohojë 6 muaj më pas? Çfarë fsheh në të vërtetë Raketa e Ron Yeffet?!”,-shkruan Këlliçi./CNA





Lajmet e fundit nga