web counter
LEXO PA REKLAMA!

SHKARKO APP

App Store
Google Play

E fundit!

x

Inteligjenca Artificiale/ Rama: Përdorimi i saj i detyrueshëm në Administratën Publike

8 Shtator 2026, 14:52, Aktualitet CNA

Inteligjenca Artificiale/ Rama: Përdorimi i saj i detyrueshëm në

Kryeministri Edi Rama sot në forumin e dytë të Inovacionit me në fokus Inteligjencën artificale bëri me dije se do të hartohet një program kombëtar për teknologjinë dhe Inteligjencën Artificiale që sipas tij mund t’i shërbejë Shqipërisë për të bërë kapërcime të mëdha.

“Na duhen zgjidhje të bazuara në njohje të plotë dhe diagnozë sa më të saktë të situatës reale, propozime konkrete e të zbatueshme dhe, së treti, gatishmëri për t’u angazhuar të gjithë së bashku, sepse për këtë program jemi të dënuar ta ndjekim së bashku. Duhet të shkojmë në 1 miliard euro brenda dekadës për eksportet e teknologjisë. Është e mundshme dhe për këtë arsye do të fuqizojmë mbështetjen për startup-et. Më vjen mirë që kemi pasur një kapërcim të madh në aplikime dhe kemi pasur një dyfishim të fondit për startup-et”, deklaroi Rama.

Më tej, kryeministri nënvizoi si prioritet përdorimin e Inteligjencës Artificiale në amdinistratën publike.

Rama theksoi se, programi i Inteligjencës Artificiale do të bëhet i detyrueshëm për adminstratën publike.

“Programi për Inteligjencën Artificiale do të hapet për individët dhe do të bëhet i detyrueshëm për administratën publike. Administrata të ketë në dispozicion një asistencë të kualifikuar. Aktualisht kemi një rritje prej 40% të aplikimeve në e-Albania dhe po punojmë intensivisht për të ndërtuar të parin sistem të prokurimeve publike me AI”, tha kryeministri./ CNA





Lajmet e fundit nga