web counter
LEXO PA REKLAMA!

SHKARKO APP

App Store
Google Play

E fundit!

x

Zjarri në fshatin Zallë të Krujës/ Arrestohet autori i zjarrvënies

8 Shtator 2026, 12:56, Kronika CNA

Zjarri në fshatin Zallë të Krujës/ Arrestohet autori i

Autori i një rasti zjarrvënieje në fshatin Zallë të Krujës është arrestuar nga policia. Në pranga është vënë shtetasi H.(K.), 67 vjeç.

Ky i fundit dyshohet se ndezi zjarr në sipërfaqen e tokës në pronësi të tij, për të djegur mbeturina bimore dhe zjari foli jashtë kontrollit.

Si pasojë e përhapjes së flakëve janë djegur sipërfaqe toke të konsiderueshme dhe pemë frutorë, në fshatin Zallë dhe në zonat përreth.

Njoftimi i policisë:

Krujë/Arrestohet në flagrancë autori i një rasti zjarrvënieje në fshatin Zallë.

Si pasojë e përhapjes së flakëve, pati dëme të shumta materiale edhe në fshatin Halil dhe në vendet e quajtuara “Kodra e Stafukeve” dhe “Kodra e Babasve”.

Si rezultat i veprimeve të shpejta operacionale, të kryera nga shërbimet e Komisariatit të Policisë Krujë, menjëherë pas njoftimit për një vatër zjarri në fshatin fshatit Zallë, u mundësua arrestimi në flagrancë i autorit të dyshuar të rastit, shtetasit I. H.(K.), 67 vjeç.

Ky shtetas dyshohet se ka ndezur zjarr në sipërfaqen e tokës në pronësi të tij, për të djegur mbeturina bimore.

Zjarri ka dalë jashtë kontrolli dhe si pasojë e përhapjes së tij janë djegur sipërfaqe toke të konsiderueshme dhe pemë frutorë, në fshatin Zallë dhe në zonat përreth.

Materialet procedurale iu referuan Prokurorisë, për veprime të mëtejshme.

Policia e Shtetit apelon në mënyrë të përsëritur, për të gjithë qytetarët, fermerët dhe pronarët apo poseduesit e kullotave, që në asnjë rrethanë të mos ndezin zjarr. Gjithashtu, praktika e gabuar dhe penalisht e ndëshkueshme e djegies së mbeturinave në toka bujqësore ose kullota, përbën rrezik për përhapje të pakontrollueshme të flakëve, si dhe për dëmtim të pronës, shëndetit dhe jetës.

Policia e Shtetit fton qytetarët që të denoncojnë menjëherë, çdo shtetas që tenton të ndezë zjarr, duke iu garantuar anonimat të sigurt, reagim të menjëhershëm dhe konform ligjit. /CNA





Lajmet e fundit nga