Një aksident i rëndë ka ndodhur në Stamboll, në Autostradën Veriore Marmara, i cili është cilësuar edhe më herët si një nga akset më problematike për aksidente në Turqi.
Sipas mediave turke, autobusi që udhëtonte në linjën Diyarbakir - Stamboll ka humbur kontrollin dhe është përplasur me një kabinë pagese.
Menjëherë pas goditjes, mjeti ka shpërthyer në flakë.
Në vendngjarje kanë mbërritur me urgjencë ekipet zjarrfikëse dhe ambulancat, por zjarri i fuqishëm ka vështirësuar ndërhyrjen për nxjerrjen e pasagjerëve.
Nga bilanci paraprak raportohet për 2 persona të vdekur dhe 8 të tjerë të plagosur, të cilët janë transportuar në spitalet më të afërta të zonës.
Autoritetet turke kanë nisur hetimet për shkaqet e aksidentit. Autostrada Veriore Marmara njihet për aksidente të rënda të autobusëve ndërqytetas vitet e fundit, ku shpesh përfshihen linjat nga Diyarbakir drejt Stambollit dhe anasjelltas.
#SONDAKİKA İstanbul Kuzey Marmara Otoyolu'nda gişelerdeki bariyerlere çarptığı belirtilen yolcu otobüsünde yangın çıktı. https://t.co/FYM6rXhITm
— Haber Report (@HaberReport) September 13, 2026
Sondazh
Lexo gjithashtu
