Është mbyllur protesta e 106-të kundër qeverisë, pas disa orësh tubim dhe marshim në rrugët kryesore të Tiranës.
Protestuesit u mblodhën fillimisht në sheshin ‘Skënderbej’ dhe më pas marshuan drejt Kryeministrisë, ku vijuan fjalimet dhe thirrjet për dorëheqjen e kryeministrit Edi Rama dhe largimin e qeverisë.
Në protestën e sotme morën pjesë edhe shqiptarë nga diaspora. Organizatorët deklaruan se qëndresa do të vijojë dhe paralajmëruan përshkallëzim të protestave.
Gjatë fjalimeve u bë thirrje për atë që protestuesit e kanë cilësuar si ‘javën e mosbindjes civile’, ndërsa u përsëritën mesazhet se protesta nuk do të ndalet dhe se kërkohet ndryshim politik.
Organizatorët njoftuan se protesta do të vijojë edhe nesër. Grumbullimi do të nisë në orën 18:30 në sheshin ‘Skënderbej’, për të vijuar më pas me marshimin drejt Kryeministrisë.
Në fund të tubimit, protestuesit u larguan me thirrjen ‘Nesër më shumë!’, duke paralajmëruar vijimin e qëndresës dhe marshimeve në Tiranë.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
‘Rama në burg, Belinda në burg’/ Protestuesit ‘zënë mat’ Ballukun: O hajdute! Te cila vilë do të shkosh?
Qytetarët në ditën e 45-të të protestës: Divjaka bashki!
Meta: Problemi nuk janë pagat e gjyqtarëve, por rreth 4 miliardë euro që humbasin çdo vit