Ford (F.N) po tërheq nga tregu 223,472 automjete në SHBA, për shkak të depozitave të karburantit që mund të kenë rrjed...
SPORT
Pak orë pas golit të fitores, Daniel Maldini përfshihet në aksident/ Rezultoi pozitiv në testin e alkoolit
PiranjatPërditësimi i fundit 13 Shtator 2026, 22:57
Daniel Maldini, futbollisti i Cagliarit dhe djali i legjendës së Milanit, Paolo Maldini, është përfshirë në një aksident automobilistik në Milano, vetëm pak orë pasi shënoi golin e fitores për skuadrën e tij në Serie A.
Pas aksidentit, 24-vjeçari rezultoi pozitiv në testin e alkoolit dhe autoritetet italiane i kanë tërhequr lejen e drejtimit.
Aksidenti ndodhi në orët e para të mëngjesit, teksa Maldini po drejtonte një Porsche Carrera.
Sipas rindërtimit paraprak të policisë, makina e tij hyri në Via Caracciolo nga Via Tolentino pa i dhënë përparësi një Volkswagen Golfi. Përplasja bëri që Golfi të godiste më pas edhe një Mercedes të parkuar.
Maldini iu nënshtrua kontrolleve mjekësore në spitalin Fatebenefratelli, ndërsa më pas u largua dhe u kthye në shtëpi. Avokati i tij, Danilo Buongiorno, bëri të ditur se futbollisti nuk kishte pësuar dëmtime.
Ndërkohë, dy testet e alkoolit të kryera në vendngjarje rezultuan 0.91 dhe 0.89 mg/l. Për pasojë, policia i ka tërhequr patentën, ndërsa priten edhe rezultatet e analizave të mëtejshme, përfshirë kontrollet për praninë e substancave të tjera.
Aksidenti erdhi vetëm disa orë pasi Daniel Maldini kishte qenë protagonist për Cagliarin në fitoren 2-1 ndaj Atalantës. Ai realizoi nga pika e bardhë golin që i dha skuadrës së tij tre pikët në transfertë.
